【碗項个烏珍珠】林秋香原作

【碗項个烏珍珠】林秋香原作
屋下歇在偏遠个山下莊,每日三餐食雜都毋方便。俗話講:
天晴做田,天雨做粄」。記得還細个時節吾姆日日都在田坵肚
做到兩頭烏,淨在落雨天無就過節,正有時間叔婆伯姆共下來做
粄仔,分細人仔嚐著滿足又幸福个味緒總愛阿姆有閒,佢會做一
種分𠊎
吾姆就會同叔婆伯姆共下來做豆豉脯,好留來明年冬下落雨天
有菜傍飯
喔!遠遠就鼻著豆仔香味原來吾姆早就無閒洎杈灶下
豆仔𠊎兜細人仔當無閒在該踏出踏入,一下𢯭手燒火,一下
豆仔煠好欸吂?阿姆總會笑等講:「細人仔毋好在這交手亂串,
手若人个腳樣仔,行遠啊去尞。」。無幾久吾姆摎煠好个豆仔
簸箕放在樵草頂高日頭過一下仔,就鼻著一陣一陣个香味
𠊎兜肚屎早就咕嚕咕嚕響,𠊎同老弟忍毋核,就會偷偷仔扡一扡,
喔!這就係盡湛斗个零嗒
豆仔晒欸一日過,還有一息仔溼潤溼潤,吾姆會用手揢看啊,
毋會黏手,就會摘幾皮仔吊菜仔葉,攤在簸箕項,再摎烏豆仔
落去,頂項用兩三層布袋弇等。大約仔過忒一禮拜,去貶開豆仔
來看有發青青个毛無? 係有發吔,就愛拿豆仔出去日頭,再用簸
箕拝拝啊,順續仔青青个毛拝忒去。該暗晡吾姆總會準備一隻
腳盆,摎拝淨吔个豆仔倒落去,用糖、鹽、酒共下擌擌
啊,再
入落盎仔肚,等豆仔自家發欸一禮拜後,再看豆仔綿綿無? 係綿
吔就愛拿出去晒燥,最後封盎就做得保存盡久,這就係最好傍飯
豆豉脯。
記得每年到吔五、公月,屋脣該頭番檨樹打青番檨吔,老弟
會跋上樹頂摘青番檨來食,酸丟丟仔个青番檨,剖開來裡背一息
豆豉脯,該食起來一息仔酸甘酸甘个味緒,到這下愐著都會
口涎水。有時放學轉到屋下早就肚飢肚屎背囊吔,這時節
總愛廚仔項有冷飯,放一息豆豉脯就係最好食个點心。有時
吾姆會摎豬油渣豆豉脯 啊,飯碗項个豆豉烏金烏金就像
樣仔,盡餳人食,這就係最上等个料理。該暗晡大家都食到拂哩
呼嚕,兩下半飯就划淨淨。吾姆還笑講:「食著好食,舌嫲都會
落去樣仔。」。豆豉脯分𠊎兜細人仔食著滿足又幸福个味緒,到這
下都還想愛尋尾。

【轉妹家】曾雪蓉原作

【轉妹家】曾雪蓉原作
「羊咩咩,十兪歲,坐火車,轉妹家,兩斗米,打粢粑,無糖
好搵搵泥沙。」這係𠊎還細時節,同該兜細人仔輒常會念个童謠
該央時个𠊎,當然毋知轉妹家係麼个味緒?毋過逐擺看著叔伯阿姊
總係歡喜喜轉屋下,又係目汁濫泔个離開妹家,𠊎還較分毋清
轉妹家到底係快樂抑係傷心 ? 一直到自家變成爺哀妹仔賊,𠊎
正知轉妹家就有一種又歡喜毋盼得个心情。
𠊎係吾屋下吊尾錘,人講:「滿女滿嬌嬌,屙尿愛人兜。」
𠊎正經阿爸縱到嬌尸撥撥,雖然阿姆也當惜𠊎,總聽人講:「爺
惜大,娘惜尾滿。」毋過𠊎係繫在阿爸褲頭項跈等去逛街个,
也係坐在阿爸膝頭頂聽佢講古聽大个,故所𠊎黏阿爸時間顛倒
較長,雖然恁樣阿姆有成時也會匧𠊎,講𠊎淨係阿爸妹仔
定。到𠊎愛嫁人該日阿爸講麼个,就目珠紅紅,一下仔摸吾个
頭那毛,一下仔揢緪吾个手,𠊎摸著阿爸个手,燒熝熝仔,係一種
實在又溫暖感覺
吾妹家離𠊎歇个所在盡遠故所𠊎一年正轉去兩三擺仔定定
逐擺轉去个時節阿爸總會兜一張凳仔坐在門前等𠊎,一看著𠊎就
講:「恁會擇,擇該麼个日仔毋係發風落雨就係三更半夜,下二
擺𠊎無愛等你哩!」。等𠊎愛離開屋下該下阿爸強強愛將屋肚
傢伙全部搬到吾个車頂,搬一項念一句:「妹仔正經妹仔賊。」
毋過佢面項个笑容,同人講恁歡喜又恁滿足。
恁多年過忒,𠊎早就慣吔,看阿爸兜一張凳仔坐在門前等𠊎,
試著該係大自然最靚个一幅風景。
一直到舊年阿爸過身,𠊎轉到屋下看毋著阿爸个身影,摸
毋著阿爸燒熝熝仔个手,淨伸著一張冷冷个凳仔在該搖啊搖,𠊎正
相信阿爸既經毋在哩。
這下不管有幾無閒,𠊎總會時間拚轉妹家,因為𠊎毋盼得
姆,因為「千跪萬拜一爐香,毋當還生一碗湯。」
阿姆阿爸過身以後,就「老人成細子」,越來越像細人仔
看著𠊎就會講:「你仰無唚𠊎呢?」𠊎煞煞阿姆瘦夾夾个圓身
揇緪緪;𠊎試著自家還幸福,因為還有得人惜阿姆好惜。
這下,對𠊎來講,不管阿爸還在抑係毋在,妹家係𠊎這妹仔
想著就有笑容个地方;妹家就係妹仔感覺溫暖位所;妹家總
妹仔心肝頭永久做得偎凴所在;「轉妹家」就係𠊎又歡喜
毋盼得時節

【阿水伯婆个蓮霧】江昀原作

【阿水伯婆蓮霧】江昀原作
還細時節有一擺跈等阿哥上山撿樵,佢撬等一支擔竿同一
絡索,行對上屋阿水伯婆屋面前過,看著側膁蓮霧熟吔,
就喊𠊎先走到頭前五百八尺个草頭下囥等,吩咐𠊎:「等下聽著狗
吠、伯婆罵,你毋好噭、毋好驚,乜做毋得出聲喔,知無?」阿哥
緊比頭前該墩大嫲頭个菅草,又講:「你一聽著開聲喊就起勢走,
知無?」 單淨戇戇緊頷頭,毋敢講毋好,對𠊎來講這係當得人驚
个事情。
等𠊎囥好勢遠遠看阿哥擔竿去揰蓮霧蓮霧溚溚跌,
狗仔一聽啊著聲定定,就煞猛牯吠,吠到幾下重山外就聽得著
強強食忒樣仔阿哥手腳盡煞,拈著幾粒仔蓮霧遽遽走分狗
仔逐,阿水伯婆聽著狗吠聲,走出屋簷下大嫲聲緊咄:「孤盲子,
又來偷摘吾蓮霧,等下就去投若婆,佢定著摎你打到半生死……。」
吂等阿水伯婆罵煞,阿哥起腳走,一路喊𠊎走較遽兜仔,𠊎還係
路走一路噭,兩儕走到無力正停下來。阿哥蓮霧衫帕捽捽啊,
分𠊎幾下粒,喊𠊎毋好噭,遽遽食。恁熱个天時摸著涼涼个蓮霧
轉噭換笑,蓮霧酸酸無異好食,毋過有水份就罔吞,一下就食淨淨
阿水伯婆莊頭透莊尾算起來,盡齧察又盡惡个婦人家。上莊
下莊有出名罵人就像放送頭樣仔,la-ji-io 撙啊開,就毋記得
忒。自阿水伯八過身 10 過年,厥倈仔心臼阿爸送上山頭無幾久
搬个搬、瀉个瀉,過年過節乜罕得聽著有哪個倈仔妹仔轉來看佢。
孤栖栖个阿水伯婆,越無伴孤栖就越勢噥噥噥噥噥無停平常
時乜無人敢去厥屋下尞。該日堵著吾哥番綻,偷摘厥蓮霧,𠊎
兩儕人走到當遠吔,還有聽著佢咒孤罵絕聲哨
有一擺𠊎兜兄弟姐妹共下閒談時節,講起頭擺這隻古,
阿哥講:「阿水伯婆蓮霧又酸又澀哪有好食,實在毋係好摘厥蓮
霧,係想愛頂碓阿水伯婆出來罵人生趣畫面定定想著佢一儕
人歇,無伴無陣又無人敢去厥屋家,係有麼个長短無人知,去搣
射佢一下,知佢健健會罵人做得放心得是仔。」

【搣籮搣䈪】彭瑞珠原作

尖山透豐原个大路脣,起起一間新重重仔个三棧樓店面,厥
左手析有一間紅毛泥地、磚屋腳、四圍竹柵、禾稈屋頂个篾仔店;
右手析又一間黃泥地、泥磚泥壁菅草屋頂个篾仔店。該係民國六
十零年,臺灣个茶米還當外銷時代。幾百戶仔人家个細莊頭仔
有十過間个茶工廠,兩個老人頭家搣籮搣䈪無閒洎杈人客定好个
貨做都毋得掣分人。
瘦瘦仔个阿福伯歇在店對門、講四縣,價數做得參詳、事趕得、
硬性、講話直堵,還係一個接骨師傅──「來來來,看一下時鐘
仔!幾多點吔?」一挩一𢱤,走忒手腕、落忒个下頷都鬥轉去
哩,總係下擺仔還係有人痛到「阿姆子哀唷!」唩唩喊,咒孤罵
絕个也係有。較矮㑁个阿海伯屋下在店後背、講海豐,價數毋好講、
事莫追、恬性、罕得噥哢。兩儕人个工都做到異幼,做个籮籠也
盡有信用
食飽朝趕等破篾仔、修篾仔,係佢兜儕逐日頭路。㧡泥个畚
箕、抔穀个𥯥箕、簸米个簸箕,㧡菜个四角菜籃、擐牲儀个圓菜
籃、吊高高譴貓仔氣死貓,穀籮、米篩毛籣、飯撈、茶䉂、豬
籠、字紙籠,餳毛蟹个籠仔、捉蝦公个笱仔,粗工个火炭籠、幼
工个籮䈪,所有篾仔做得出來个籠䉂,佢兩儕都有法度搣分人客
成時還愛摎人整籮、整籠、整竹椅,無就做幾張仔細竹椅仔放等
人客坐尞食飽夜,點一葩火又愛煞煞趕事罕得有好清閒
摘茶、做茶个時節,歸莊仔人無閒摘茶、歸莊頭仔都係焙茶香味
──日連夜,歸禮拜仔毋會停、毋會散。摘茶用个䉂公、裝茶菁个
茶籠仔下下都還做毋掣分人客討。
民國七十年以後,產業个政策轉變哩,大間个製茶廠收起來
吔、禾頭田開始休耕咧,茶園翻忒種菜个種菜、田坵放佢生草个
生草。耕種摘茶㧡擔个人都少吔,做篾仔个頭路也就閒哩,兩
老人家堵好也老哩、準退休吔、篾仔店就放佢橫忒去咧。選竹、
倒竹、破篾、挷篾、修篾、浸竹骨、拗竹骨、焙竹骨、做竹箍,做
師傅搣籮搣䈪个身影,只有鏡鮮个留在莊下頭擺頭擺

【煨番薯】彭瑞珠原作

煨番薯】彭瑞珠原作
行入便利商店,偎壁脣个箱仔項有燒燒焙好个番薯。烏色卵石頂焙等香香个番薯,番薯皮熇到燥爽燥爽、㪐核㪐核 ,番薯个糖膏對番薯皮个縫仔項凝 出來了,還餳人食哪!看到人忍毋核當下就買兩條,趕燒食落肚,還幸福个味緒哪!
細人仔該下寒天臨暗頭姐公洗好身會在廳下看電視、焙厥燒熝熝仔个火囪姐婆灶下洗身水,𠊎就在灶空前掌等灶空壁角个番薯,細心細意个摎番薯埋在火屎肚壅等,看顧等佢、莫分火燒著姐婆洗好身,噴香个番薯也煨好了。囥入姐婆間房扐等姐婆用大手帕包好个水鴨嫲 ,食等甜香煨好个番薯,看阿婆髻鬃花、聽阿婆講古,係寒天臨暗頭盡幸福个味緒
有一年暑假,禾頭田割忒了,田項个泥翻好、還吂放水,大哥渡等歸陣仔老弟老妹阿公田項煨番薯兩兄弟窟仔、疊泥團,搣好一隻番薯窯;五姊妹團草結 、撿樵準備起火。火起起來了,大哥講佢來疊樵、𠊎兜去尞就做得,火燒到猛猛猛,大哥就係大哥!六個老弟老妹在田坵肚打嘴鼓、唱歌仔、走相逐仔、搣射蟲𧊅。大火過,出火炭了,放入盡平心盡惜孫仔阿婆擇過个一條條仔平大平大、靚靚个番薯,封口、等番薯熟。二哥看火煙在泥團縫項蓬蓬起,拿起挖泥个鏟仔摎泥團撳拶,還對窯頂撳幾下下,一息煙都無出了!大家先轉屋,等番薯翕熟。時間差毋多了,俚來去開窯了。還慶哦,番薯全部都有熟透心、乜無一條臭火煙堵好熟、又略略仔糖膏个番薯,實在有罅香!毋過全部都係扁个,可見二貨仔个鏟仔,異有力,連九十歲个阿太看著大號老蘿蔔樣仔个番薯都好笑!毋過,該窯扁扁煨好个番薯,有𠊎俚兄弟姊妹仔一生人感情个記念。
看著煨番薯,會看著姐婆燒暖灶下、會看著田坵肚一大陣兄弟姊妹仔个嘻嘻㖸㖸,對𠊎來講,係幸福个味緒看著煨番薯,異多老人家想起空襲時代个番薯簽、會想起鮮鮮湯湯个糜飲燒熝熝仔、香出味个白飯,對佢兜來講,正係幸福个味緒。該對您來講,哪項食雜,囥等有您幸福个記號,有您幸福个味緒呢?

【火雞咕嚕咕嚕】劉玉蕉原作

火雞咕嚕咕嚕】劉玉蕉原作
「咕嚕,咕嚕」園肚个火雞看著𠊎這兜細孲仔,撐開像扇
仔个尾翼,兩隻腳踢啊踢行等過來,緊行喉嗹還「咕嚕,咕嚕」
緊叫,下頷該垤紅色皺皮,跈等叫聲顫顫掣掣,看著實在得人畏
!分毋清佢係歡迎𠊎這兜,抑係抗議𠊎兜忒吵,看佢恁仔面紅紅
,眼視視,尖尖个觜又像關刀,隨時愛劈過來个樣相,這勢面,
𠊎看莫惹佢有較贏
記得該年,轉姐婆屋下,一下車,無等阿爸阿姆擐好等路
,就衝等入伙房屋去尋姐婆姐婆無尋著,嗄來惹著屋角歇睏
兩隻大火雞,緊恅著阿婆畜个該隻烏狗共樣,恁溫馴,鼻得出
吾个味緒,就無加注意,無想著火雞「咕嚕,咕嚕」就拂等來
哩,兩隻大火雞齊齊對𠊎飆過來,正看著佢兜下頷个紅肉,晃啊
晃,一斡頭屎朏就畀觜著吔,「阿姆哀唷~!」𠊎拚等走往出,
吂知該火雞看𠊎好欺負,也逐等來,「媽~」𠊎放聲噭,喊阿姆,
阿爸地泥下挱著一枝竹仔,就𢫦過去,兩隻火雞「咕嚕,咕嚕
」真毋甘願樣仔,眼視視仔,走到牆頭脣,尖尖个觜還「咕嚕
,咕嚕」叫無停
屋背做事个姐婆,聽著𠊎賠命个噭聲,走出來看著光景
遽遽同𠊎揇緪緪講:「毋使驚,毋使驚,該頭牲仔得哩!」還講
:「這火雞夭壽,敢拂吾孫女,天光來同佢㓾忒分你食!」緊講
緊笑,乜毋知佢係正經譴抑係詐意仔譴。該央時个𠊎,總知講該
兩隻火雞死該哩!
該擺事件過後,𠊎見看著火雞,心肝肚就先驚便,閃佢
閃到遠遠,今晡日跈先生來休閒農場遶尞,遠遠看著火雞,還係
一隻「驚」字,屎朏挲啊挲仔,該年个驚險一幕,就像昨晡日
發生樣仔。驚佢又過恬恬拂啊來,𠊎毋敢行兼,毋過,這園肚
火雞啊,分人跼等,少忒該雄頭,顛倒試著佢兜異衰過,就像
這兜細孲仔共樣天闊地闊任在你飆,幾成歡喜噫;係講同你
跼在屋肚麼个做毋得,你會仰般

【客家美食】徐貴榮原作

頭擺,客家人一直歇在山項、田莊,耕田打林,愛用當多
體力,故所,食雜24摎一般人無共樣,變到客家「食」个文化
講著客家美食,吾口涎水強強就會溚溚跌25了26!
在吾个印象中,酸酸个豬腸薑絲薑絲嫩嫩、豬腸脆脆,
起來一息仔酸酸,客家人就係好食這味緒叔公阿伯長透
講:「食加兩碗飯,做起事來較有力頭,豬腸無了味27也好,同飯
攪攪啊,當扯飯哦!」
頭擺吾公不時講:分人請,無食著炒肉就像食著豐沛樣仔
原來炒肉就係今晡日大家講个「客家小炒」,裡背用蔥白、魷
魚、三層肉,加兜仔香料,大火炒到噴香魷魚當香,三層肉
會肥,食過个人都會講:恁平常東西,仰會炒到恁香、恁有味
緒呢?這就係客家料理食品个本等也係客家美食个代表菜。
其他像筍乾摎封肉、清甜个雞盤、酪酪个豬腳、一垤一垤搵
24 食雜:音 siid cab;吃的方面
25 溚溚跌:音 dab dab diedˋ;形容像雨一樣一直滴下來。
26 表完成的語尾助詞。四縣腔有 leˊ、leˋ、lioˊ、lioˋ……等不同讀音,讀者可依文章
境,自由詮釋發揮以下同此注釋說明。
27 味:音 mi;湯汁。
蒜仁醋个鹹豬肉還有清清覆菜排骨湯,食起來就係有客家
味緒
另外客家長透自家種个米穀來做各種點心。最有名个
就係莊頭莊尾一到做鬧熱做好事時節家家屋屋就會打粢粑
、搵糖粉來請人客講著粢粑,𠊎就會想著還細个時節不時
跈等吾婆分人請食飯前,總有一大群人手拿筷仔,緊斷粢粑
搵香香个番豆粉,緊摎親戚朋友打嘴鼓,又食又講,看啊過去,
逐儕笑弛弛仔,該種親切感覺,只有客家正會了解
客家人个點心,還有蘿蔔絲个菜包軟軟韌韌个水粄仔
大麵還較好食个粄條仔、又韌又滑个米篩目現下客家美食
既經變到大眾化个食品了。
這下,不管係在屋下也係外背,𠊎輒輒想著還細个時節
吾婆做分𠊎食个點心。下二擺,𠊎定著愛學做客家美食,做出
阿婆味緒,分大家來認識客家食个文化

【𠊎行過个一條山路】黃火盛原作

記得𠊎略略仔知人我1个時節有一擺阿公阿爸講,想愛
仙山擐仙水,該央時𠊎想:仙山怕係當多神仙該兜神仙逐日
食个水,就怕係安到仙水,食
吔仙水會像神仙樣仔無愁無慮,日
日就做得樂線2樂線
過幾日,吂天光阿公七早八早䟘床,喊阿爸載佢去擐仙
水,𠊎同阿爸講𠊎乜想愛去,阿爸做毋得阿公顛倒講毋怕
分佢跈,係講半路仔打頓屈3毋行,轉來皮愛弓較緪兜仔4,𠊎摎阿
打賭絕對毋會。就恁樣𠊎跈阿公坐等阿爸車仔出發去仙山,
上車無幾久,𠊎目珠等一下仔就睡忒等到阿爸喊𠊎,車仔
經來到仙山腳下了5,阿爸講著加一領衫,朝晨頭清冷清冷寒著
,𠊎衫加啊等,一下車就走當遽阿公大嫲牯聲喊𠊎毋好走恁遽
,一來驚毋堵好跌倒,二來等一下上崎毋得半崎坐,故所𠊎就
乖乖仔跈佢兩儕定定仔行。
1 知人我:音 diˊ nginˇ ngoˊ;懂事。
2 樂線:音 log xien;悠哉、樂天。
3 打頓屈:音 daˋ dun kud;耍賴皮、鬧彆扭,停頓不前。
4 皮愛弓較緪兜仔:音 piˇ oi giungˊ ka henˇ deuˊ eˋ;皮要繃緊一些。
5 表完成的語尾助詞。四縣腔有 leˊ、leˋ、lioˊ、lioˋ……等不同讀音,讀者可依文章
境,自由詮釋發揮以下同此注釋說明。
蹶到半山排,腳當軟,歸身仔汗流脈落遠遠看著一隻涼亭
,𠊎就煞煞走去在該凳仔項,風輕輕仔吹來,心肝肚想愛
潑賴6,緊敨大氣阿爸無想再過行。阿爸就講:「喊你毋好
,你就硬愛跈,今這下愛仰結煞正好。」阿公接嘴講:「神仙打鼓
有時錯,腳步踏差麼人無,應著你來打毋著算。」
聽著阿公恁樣講,𠊎高不而將又繼續行,毋過這下行無恁遽
了!翻轉頭,看著無幾遠有一對公婆牽等一個比𠊎還較細个細阿
妹仔,佢兜定定仔一步步行上來就像會逐著𠊎這兜了,阿爸
趕這機會龜仔兔仔走相逐个古,害𠊎聽到面紅濟炸7當見笑
連該細阿妹仔就比毋得!蹶呀蹶仔總算崠頂最高點了,群山
嶺盡在眼前耳公聽著竹雞仔山阿鵲這兜鳥仔个叫聲,鼻公
鼻著夜合花个清香,心情突然開朗起來該時節雖然無看著麼个
大羅神仙𠊎自家試著看著神仙還較歡喜因為就像係發
夢8樣仔阿爸牽等阿公去裝仙水,乜裝一細罐愛𠊎背等屋下
𠊎問阿爸這仙水同屋下自來水麼个無共樣呢?佢講來到這位
裝水个心情同屋下自來水个心情係無共樣哦。
到這下來,𠊎正知頭擺人講个:「路毋行,草會塞;心毋開,
打結。」來到這往所在保證心肝活活開。

【阿姆个手路菜】鄒瑞梅原作

頭擺个人,生活盡簡單乜盡艱苦細人仔想愛食東西,就會想著灶下想著灶下,就會想著阿姆手路菜。阿姆當煞猛逐日天吂光就行入灶下煮食阿姆煮个番薯粥一等好食,桌頂菜脯卵、番豆還有阿姆自家滷个醃瓜仔老嫩大細圍圍共下食飯當鬧熱尤其係正、二月仔冷颼颼个天時做得食著燒熝熝仔个番薯粥,實在當幸福。記得有一日,𠊎在學校轉來个時節,遠遠就鼻著雞酒味,吾腳步嗄越行越遽,三步做兩步行遽遽行入灶下阿姆看著𠊎就笑咪咪仔同𠊎講:「昨晡日隔壁个秀蘭阿姨降倈仔做月愛食雞酒,身體正會好,阿姆㓾一隻大閹雞煮雞酒同佢補身體。」哈!看得著毋著,害𠊎走到恁煞猛。阿姆笑𠊎講:「食飯打赤膊,做事尋衫著。」續等講:「有啦!桌頂有留一碗公雞酒,煞煞去手洗洗啊,趕燒食啦!」𠊎就知了!阿姆一等惜𠊎,有好食个東西一定會留分𠊎食,還好哦!講著煮食阿姆項項會、項項曉,每年一到清明阿姆就會打紅粄艾粄五月節會包粄粽、焿粽,中元打粢粑過年甜粄發粄菜頭粄學校下課轉來,阿姆會烰甜粄分𠊎摎老妹老弟食,大家坐在門碫下,你一口、𠊎一口,該種甜甜个滋味,到這下想著還會流口涎。四炆四炒係阿姆手路菜,就因為阿姆个好手藝莊頭莊尾个叔公阿伯最好來屋下打鬥敘阿公泡茶人客阿姆會煲爌肉,做好食个「客家炒肉」、「豬腸薑絲」分大家緊食打嘴鼓大人在廳下鬧揌揌,歸陣細人仔就在大禾埕踢銅笐仔、跳索仔、無到半夜煞棚阿姆手路菜𠊎乜加減有學兜仔,每擺放學時節,𠊎會去灶下阿姆𢯭煮食看著屋下人食到笑咪咪仔,𠊎乜感覺當歡喜

【𠊎對客家俗諺个聯想】徐煥昇原作

記得還細个時節輒常看著阿公著等東補一搭、西補一搭个
衫褲田項,蒔田挲草巡田水,𠊎試著奇怪,做麼个阿公
愛著較好兜仔个衫褲呢?食飯時節阿公也督𠊎這兜孫仔
女,飯愛食淨來,碗項毋好留一粒飯糝做毋得耗爽。屋下肚
電火電視電扇、冷氣,也愛隨手關忒。在𠊎還讀國小个時
節,識聽阿公摎歸家人講過一句話:「賺錢可比針挑竻,使錢可比
水推沙。」該央時,還毋知係麼个意思正知講,阿公頭擺識過
過苦日仔,無錢好去讀書,連食一碗白飯,都試著當耗爽,故所
,一直到這下,厥个日仔還係過到當省儉
這下,𠊎較大了,正試著阿公講个「賺錢可比針挑竻,
使錢可比水推沙」,確實道理今年暑假,在上輔導以外个時
間,𠊎去屋下附近仔个加油站打零工工錢係一點鐘八十個銀,
唉哦!阿姆哀唷,七、八月仔該下日頭當烈,就講係企在屋簷下,乜係汗流脈落,歸身仔溚潦車仔上上下下,飛沙打塵,空
肚項全部就係汽油,實在佇毋著毋過為著賺錢還係
愛刻耐仔做下去,做吔兩隻月,領著萬八銀,暢到奈毋得。落
尾,開學前,想愛買一臺新个電腦,哪知,一下仔就用淨淨。唉
正經就像阿公講个,賺錢可比針挑竻,使錢可比水推沙!
在這位,正想著阿爸阿姆為著屋下人辛苦打拚有成時愛加
班到星光半夜正轉屋,自從毋識聽佢兜喊過一聲苦,摸著阿爸
硬膘个手,看著阿姆个面項,年視年緊來緊多个皺痕,𠊎心肝肚
就盡毋盼得。𠊎輒常自家還有老弟講:「田螺取肚飽,毋知
生溜苔。」這兜細人仔做毋得淨知好搞,歸日遊遊野野

毋知爺哀辛苦;讀書、做事就愛煞猛打拚;愛儆惜錢銀,一分
一厘都毋好耗爽,有油莫點雙盞火,免得無油打暗摸
个祖先唐山過臺灣,煞猛打拚耕山耕田咬薑啜醋
正有今晡日个好日仔。「前蹶不如後踐」,這下,𠊎無定還無能力
好同屋下人𢯭手,減輕家庭經濟擔頭毋過,𠊎做得對細項
下仔開始節約認真讀書,守規矩,分阿爸阿姆歡歡喜喜,這
乜係賢孝爺哀方式啊!